凌晨返到屋企又係時間教大家睇新聞稿。
「梁特首」請公關公司回應有關佢用特權嘅指控，而當中嘅第 3 點好值得大家留意。至於事件報導請睇明報報導。
以上呢份係由代表「梁特首」的公司公司所發之新聞稿
原文係：「機管局及保安人員在禁區外發現該手提行李，經行政長官太太核實為頌昕擁用。該行李經機場安全檢查後送回給頌昕。」
首先：
A. 機管局及保安人員為何會發現該手提行李？如果發現無人的行李，何以又能認出是頌昕的？若發現無人的行李處理上應該交到違失或認領處？
B. 『…為頌昕擁用。該行李…』大家留意呢到係用左「。」句號係結束嘅意思，即係事件至此已結束，然後再開始另一個段落。在發現行李與送回行李給頌昕中到底發生左咩事，這裡並無提及。
C. 『行李經機場安全查後送回給頌昕』即代表此行李並非頌昕親自領取，已經唔啱規矩。
至於第2點「梁頌昕當晚進入機場禁區後，即發覺遺留手提行李，當時向機場保安人員求助，要求親自取回，但被保安人員拒絕…」
這裡講到入左禁區出唔番咁？但其實你入左禁區要出番去都一樣可以，所以保安人員唔應該會拒絕你，除非你有其他要求。
官方或公關公司回應問題不少都會選擇性回答，擇事而答，大家在睇新聞稿嘅時候除左要留意本身嘅字眼外，更應該留意無講嘅部份，即華夏文化山水畫中的「留白」。那些沒有寫出來的部份才是重中之中。
【此文章刊載於石先生部落；標題：閱讀新聞稿：留白先係最重要；強制廣告：HisTrend.HK 給你不一樣的科技產品】
