事實係… 寫正面文長遠係多人睇過負面文
無端端同朋友傾開寫文，石先生也都講下，其實寫文嘅野，總計多人睇嘅文大多其實唔係負面文章，而係正面文章，同大家想像完全相反。
根據某些數據統計分析，其實正面嘅文章長遠係多人睇過負面文章，但大家好多時候網路效應令負面文章傳播速度快，所以大家會有一種錯覺負面文章較受歡迎嘅感覺，但事實上計埋時間性嘅話正面文章係更受歡迎，更多人睇。
點解？石先生都好想有更多數據佐證同大家分享，不過事實係拿唔到出來。如果從石先生嘅角度睇，正面文章講嘅好多時候都係冷知識類、攻略類，好多人都想知，中正人類求知嘅慾望。
相反負面文章其實好單一，雖然爆發力強，但隨著網路題材眾多，受關注嘅時間愈來愈短，當過左爆發期，後續嘅關注就會好單薄，無左長尾效應，長遠閱讀數反而不夠正面文章。
更何況，「香港人除左鐘意睇人仆街」外其實係唔會開名一齊去鬧埋一份，以免出事站出邊。當各相關利益者回應或反駁時，要得到支援其實並不容易，始終兩者嘅資源往往有很大差異。加上有時候旁人會有「人地都係打份工」「佢實有佢苦衷」「你鬧錯人啦」嘅情況，所以寫負面文章背後嘅壓力比正面文章更大。
如果可以，石先生都想寫親嘅都係正面文章，但可惜有時候要視而不見，有時候真係做唔到，唯有係講嘅時候做好啲準備。
【此文章刊載於石先生部落；標題：事實係… 寫正面文長遠係多人睇過負面文；本篇文章為贊助內容；強制廣告：HisTrend.HK 給你不一樣的科技產品】
