石先生作為一個懶惰，不認真拍攝的人，一直覺得自己不太適合使用即影即有相機，因為有時候拍照實在太隨便，拍出來的成功率不高，很浪費菲林，還是用無需菲林的數碼相機或手機會比較好。
不過當聽到 Leica 有推出即影即有相機的時候就忍不住，很快就決定要買一部，作為自己第一台的 Leica 與第一台即影即有相機。
當然，買了回了怎麼用真的沒有什麼概念，但拿起這部橙色的 Leica SOFORT 確認自己沒有選擇錯。因為橙色的機身配合復古的 Leica 設計要比感覺文青的淺藍色更有一種復古味道，就算不拍把它掛在身上也超吸引。
下層就係最重心嘅相機（開箱時當然有野包住），左邊萬國式電池充電座，右邊中間係電池、上下分別是圓腳及扁腳的插頭，也就是說它沒有英式三腳插。
睇左成篇文咁耐，你可能都會發現一樣野，就係石先生無入電開過部機，因為開箱個時電池無電要充電，所以開箱根本無開個機，只係得開箱，但到後來有電嘅時候又無好認真咁再影過開機相，所以用落嘅嘅感受就用文字打啦！
作為一個唔多影即影即有，但成日見到好多即影即有相嘅人，Leica 明明都係用 Fuji 相紙，但影出來嘅相真係靚啲，啲色都鮮啲，感覺正啲！好似下面呢張幫 Audrey 影嘅相咁，距離大概係一隻手，係全自動閃燈下，人有少少爆光，但頸巾嘅色好出，成張相感覺比一般嘅 Fuji 即影即有好。（係～可能心理作用）
雖然呢張相睇落都唔錯，但係後來再試嘅情況下，發覺夜晚最好都係有一隻半手嘅距離，咁樣影人就唔會咁爆光（唔會好似下面咁），會清好多而且色都一樣，真係好正。
根據之前嘅講法，呢部 Leica SOFORT 其中一個精髓係自拍。以石先生平時嘅自拍功能來比較，呢部 Leica SOFORT 嘅自拍廣角都幾勁，四個人一齊影都無問題，但因為今次影時係夜晚，企前面嘅石先生影出來太肥，所以就唔同大家分享啦！留番下次日頭先同大家係 Facebook 分享啦～
【此文章刊載於 石先生部落；標題： Leica SOFORT 相機開箱囉！第一部即影即有選它實在太讚～；本篇文章為贊助內容；強制廣告： HisTrend.HK 給你不一樣的科技產品】
