「哎呀！我手機無電呀！邊個有尿袋啊？」
「尿袋？我有呀！」
「不過你有無線呀，我得尿袋炸喎！」
「我有線喎！你咩機呀！我 Samsung，你啱用啦一定，間間廠都 micro-USB」
「Um… 我唔係呀！我用 iPhone，要用專用線」
「咁無計喎，我無，你地有無呀！」
「iPhone 咁貴，那有錢」
「無喎！你唔買多條線，傍身麻」
「iPhone 線一條咁貴，那有錢」
「咁無計啦，你摩擦生電啦～」
用 iPhone 嘅朋友唔多唔少都會有咁嘅經驗，手機無電想充電，但身邊朋友一係有線無尿袋，一係有尿袋無線，梗係有樣唔係身邊搞到差唔多。
而且係呢啲時候即使平時自已有帶開後備線，但總係啱啱漏左係公司無帶出街，啞子吃黃蓮。
今次同大家介紹呢舊 thecoopidea 電池就剛好解決呢個問題，佢嘅設計唔似得啲自私電池，唔止利已仲利人，不論你自已用 Android 定 iPhone，你都啱用！話唔定因此結良緣（呢個好似跨左啲）
呢粒叫 SLIM 4000 嘅電其中一個賣點係佢除左電池外，仲有埋一條充電線。
睇上面個插頭你就知佢強係邊，佢除左本身配備嘅 micro-USB 插頭外，仲有一個附加嘅 iPhone 插頭，平時想充 Android 又得，有需要時想充 iPhone 也得。如果你手上又有 iPhone，又有 Android 或者公司配俾你嘅 BlackBerry Priv，兩部都可以充哂完全唔需要擔心。
你可能話！唓！呢啲線就街都有啦！
無錯！呢啲咁嘅線出左幾年，真係好耐之前就有，變 iPhone 插頭真係一啲都唔新，而且一返大陸仲有啲係 micro-USB 可以加插變身做 Full USB，也有變身做最新 USB-C。
不過，有用開 iPhone 線嘅朋友都知道，大陸做或者街邊賣嘅 iPhone 好多都話自己充電到，但往往用幾次就唔得，或者時得時唔得。出現呢個情況其實係因為 Apple 又係啲插頭到加左個配件，佢會檢查係咪經認證過嘅配件，如果唔係就唔俾用，所以街邊賣個無經過認證可能時得時唔得。
今次呢個 thecoopidea SLIM 4000 因為係行貨，所以佢拿埋 Apple 認證嘅 MFI，即係買番返去保證唔得，而且有咩事拿住呢個 LOGO 去同代理嘈交要佢換都得，所以真係 HK$30 買條唔知得唔得嘅線，不如花多少少錢買條正版線。
當然，一條正版線 2 米要 HK$229，那有錢，所以今次介紹呢款 thecoopidea 連埋 4000mAh 電池都只係 HK$299，買線不如買埋舊電。
SLIM 4000 嘅體積唔大舊，大概係 5 吋手機嘅大細（上圖）
封面有寫 MFI，仲有寫明 iPhone、iPad 及 iPod 都用得（下圖）
【此文章刊載於石先生部落；標題：thecoopidea SLIM 4000 MFI – 利己利人好充電，Android 又得 iPhone 也得！；強制廣告：HisTrend.HK 給你不一樣的科技產品】
