説時遲，那時快，一年一度由貿發局舉辦的「2016 香港教育及職業博覽」又來，將會於 1 月 28 日至 31 日於香港會展舉行，今次石先生去左發佈會八卦一下到底有啲咩。
今次的「2016 香港教育及職業博覽」當然有一些基本菜式，例如各大政府部門、保險公司、銀行、零售及專業團體的工作資訊，而中原地產、中銀集團人塊及香港空運貨站也會即場招聘。
不過，對於一些仍然在上學的朋友，也許有暑期工與實習計劃的比較有興趣，例如這次有 HYATT 與合和，也有新世界電訊與橙天嘉禾會招聘暑期或實習職位。
與此同時，由 28 Jan 起每一日都會有主題教育日，以中國、美國、歐洲、澳洲及紐西蘭為主題，有想要留學的朋友可以去留意一下，部份學校更會在現場設有攤位，可以即時查詢。
至於唔鐘意傳統讀書方式，鐘意實學的朋友則有演藝、音樂、美容、寵物美容、婚宴管理及時裝設計等的實用課程提供相關資料。
即使你對以上各項都無興趣，但今次有個分享會真係好值得去，就係「F1 賽實手的背後」貿發局搵來香港難得擁有 FIA Super License 的香港 F1 實習實手 方駿宇同大家分享經驗，平時都真係無咩機會！
唔鐘意聽分享，鐘意落手玩都有機會玩下應該打得差過真人，仍然有待改進嘅羽毛球機器人、入門級別的機械螞蟻及平時自已都有得玩嘅四驅車。
至於 Working Holiday 方面，今次歐盟都有相關資訊，提供包括德國、愛爾蘭、法國、奧地利及英國嘅 Working Holiday 資訊俾大家參考。
更有趣嘅係平時唔多人知嘅 AFS 國際文化交流都會係現場，等大家有機會更了解呢個比在學學生交流嘅計劃，等有興趣嘅朋友係中學階段就可以去外國交流。
睇左咁多，有興趣嘅朋友唔好錯過，記得 1 月 28-31 日去灣仔會「2016 香港教育及職業博覽」望一望，可以慳返唔少時間。
