卡片這回事

by stoneip
2016.12.11 12:16PM
1
是卡片這回事這篇文章的首圖
首圖

因為由第一份工開始就無特定卡片設計嘅原因,石先生嘅卡片一向以來都好唔傳統。由以往有公司 Logo,到玩訂製風格,至朋友幫忙設計嘅車票概念,依家嘅簡約風格真係變化多端。

夜晚訓唔著又同大家分享下依家用嘅卡片,呢張卡片真係簡單到痴線,想法當然唔係石先生無中生有,係見到 Thinkaholic Mark 大大有張咁嘅卡片,覺得超正,自已又想跟而做出來嘅。因為係參考 Mark 大大,所以設計上好似,但始終自已落手去做又會有少少唔同,但成件事真係好切合到石先生

如圖所見,成張卡片正式就係得三樣野,英中文名、左下角嘅電話及右下角嘅 Email Address。名大家都見係用「Stone IP 石先生」,並唔係用真名,呢個做法同6年前一次記者會抽獎有關。

Print

話說開初返 Engadget 癮科技時卡片仲有真名,然後旁邊係括號石先生。當日係 HTC 記招,記者會後仲有依家好少見嘅抽獎環節,但一向無咩抽獎運嘅石先生就走左出去同人傾計無咩點理,但主持人竟然抽中左石先生。佢好合理咁跟住卡片讀出石先生真名嘅時候,台下嘅記者無反應,紛紛都指唔識呢個人,無辦法將呢個真名同石先生拉上關係(其實台下嘅記者幾乎都互相識哂),直到最後主持人講係咩公司,大家先發出一種「Oh. 原來佢叫 XXX」嘅感嘆。

由個一刻開始,石先生覺得既然啲人認得「Stone IP」、「石先生」多過真名,咁何不直接係卡片上用石先生。石先生都係一個稱呼,真名係咩根本唔重要。所以係無需請示嘅情況下,第二日卡片就由真名改成只有 Stone IP 石先生。

呢個做法至今都維持,即使開網店初期有用番真名卡片,但發覺成件事根本無咩實際意義,人地都係記得石先生,所以後來又變番用 Stone IP 石先生,真名無再拿出來用。

其實係卡片隔離「Stone IP 石先生」右上角有一個小小嘅剔號,呢個剔號係 Facebook 認證標誌,如果啲人係 Facebook Search「Stone IP」就可以搵到本人,而且也都有認證標誌,證明無搵錯。如果輸入「石先生」也都可以搵到 Fans Page;拿住同一個名「Stone IP 石先生」可以微博搵到帳號。簡單一個近乎可以係唔同 Platform 搵哂石先生出來,相比要加無限個標誌註更好。(一個人有心搵你,佢就實搵到方法搵你,你俾個名佢就得。)

雖然依家有好多通訊工具,但其實用來用去都係電話及 Email,即使你用 WhatsApp 或其他 IM 等,你都無可避免要輸入電話或電郵,所以卡片正面嘅聯絡方法都有呢兩種資料。

不過咁,其實你有石先生電話都未必有用,因為石先生電話長期都係「唔響唔震」模式,所以熟嘅朋友好多都知打電話搵不如 Msg 搵,覆得仲快仲真接。呢個做法對於好多社會上嘅朋友來講有啲奇怪,但係係唔打擾別人嘅前題下,其實都幾好,起碼唔駛食食下飯又聽電話,連食啖飯都唔得安樂。namecard_design_back

至於背面設計改左幾次,但最後都係用呢個。左邊係網店,中間係 Blog,右邊係代表嘅 Media。無錯!你可能會覺得奇怪,點解石先生又會同 TechRitual 有關係。

成件事一匹布咁長,但總之個 Domain & Hosting 都係我到,我都無太多時間處理,只係有空閒就出下文,用呢個網站名義叫我嘅記者會都唔多會去,PR 大大日常有咩事都係搵返 Victor 啦!我除左保持網站運轉唔會執笠之外,其他野我都唔太理。

成張卡片就係咁,簡單到不得了,無咩花巧,但想傳遞嘅訊息都有哂係到。至於有啲 Coverage 唔到嘅就無辦法,始終石先生好多時都係賣人,公司名號呢回事,未必成日要拿出來,拿出來都未必有咩增值作用。

HisTrend.HK 限時褔利品:USB Type-C 轉接頭 HK$30 四枚
http://www.histrend.hk/products/usb-type-c-adapter

是技術名稱:RFID這篇文章的首圖

既是暖蛋,又是電池!充電式電暖蛋登場!

front-banner-iphone-07

冷鋒來臨!氣溫開始急降,除了保暖衣物外,怕凍的朋友也會買暖包、暖蛋來保暖,不過坊間的暖包只可以用一次,每次用完即棄,實在不環保。其實現下也有電子暖蛋,這款 Pisen 智能充電暖手寶,不單是暖手蛋,更是外置電池,一物兩用!

Pisen 智能充電暖手寶得到德國 Red Dot 2015 設計大獎,只要按一按機身的「Hot」,外殼金屬部分就會開始發熱,大約 2 分鐘時間,暖手寶就會升溫至大約 50 度,暖手又得、放入大衣內袋為身體保溫亦得。

內置智能感應,一旦發熱溫度超過 50 度,就會停止發熱,十分安全。而內置電池為 7500 mAh,可以發熱約 5 小時,足夠一般戶外使用。

而機身上備有一個 USB 插口,輸出電力為 2A,可為手機、平板電腦充電。Pisen 智能充電暖手寶有香檳金、白銀、粉紅、粉藍四色選擇,怕凍男女總能選到適合自己的顏色!

此產品提供 香檳金、白銀、粉紅及粉藍四種顏色,有興趣的朋友可以到 HisTrend.HK 選購。

front-banner-iphone-07 front-banner-iphone-07

Related


【此文章刊載於 石先生部落;標題: ;本篇文章為贊助內容;強制廣告: HisTrend.HK 給你不一樣的科技產品】

0 則回應