【台灣.台中】摘粟米採蕃茄,呢啲咁田園嘅活動當然要跟旅行團

去旅行好多時行程自己訂,唔係個啲大景點都唔會好,但如果你唔揀自由行揀跟團,好多時候又會有另類驚喜!情況就好似石先生今次跟安達旅遊去台中咁,因為佢地個團係以「動靜台中」為主題,所以台中除左個啲常見嘅「彩虹眷村」、「日月潭」外,仲有其他本地人先識去嘅景點,例如今次呢個本地農場。

農場聽落無咩特別,但台灣始終以務農為生嘅比香港多,好似呢間以水種為主嘅農場,佢除左會賣農作物外,仲會開放觀光,俾大家參觀之餘,可以自己一手一腳採摘農作物,想食邊粒拿邊粒。

呢間農場嘅做法好特別,佢唔係收左你入場費後任摘,係採用消費卡嘅形式,你俾 100 新台幣入場費,佢俾番 100 新台幣採果消費卡你,你可以採番等值嘅農作物,蕃茄又得、粟米又得,見到咩摘咩都得。

taiwan_taichung_travel_073

100 新台幣摘到幾多野呢?其實摘到上述兩袋,好多支粟米及蕃茄,以外地旅客來講其實都好夠,因為你唔會拿好多番香港,係台中又會有好多野食,唔會有咩機會食得哂。

如果要講唔夠可能就係啲本地人去完玩返屋企,拿返去住餸摘多啲,咁佢地就要額外俾錢買,如果唔係 100 新台幣都好夠食囉!

taiwan_taichung_travel_067taiwan_taichung_travel_068

摘粟米俾想像中好玩,因為粟木樹本身都幾大支,但你要係當中搵到佢又啲時間,更特別係佢其實又要用啲力先可以摘落來,唔係求其就得。

至於蕃茄仔就好簡單,見到一摘就得,問題只係你有無摘到一串好嘅。去農場其實唔難,但同大部份嘅台中景點一樣,有車去就方便,搭巴士去就煩,所以呢啲景點都係留番跟旅行團最好,去完上車仲有得放番啲農作物。

taiwan_taichung_travel_069taiwan_taichung_travel_070

安達旅遊動靜台中之旅全集:

  1. 【台灣.台中】好好 西屯店 – 讓文化融入餐飲之中
  2. 【台灣.台中】彩虹眷村 – 把握僅餘的原始味道
  3. 【台灣.台中】林金生香 – 食餅整餅都係文青風格
  4. 【台灣.台中】摘粟米採蕃茄,呢啲咁田園嘅活動當然要跟旅行團
  5. 【台灣.台中】又見一坎煙(未完成)
  6. 【台灣.台中】做手工(未完成)
  7. 【台灣.台中】紅點文旅(未完成)
  8. 【台灣.台中】台中海鮮(未完成)
  9. 【台灣.台中】日月潭單車(未完成)
  10. 【台灣.台中】 鹿港老街(未完成)
  11. 【台灣.台中】春水堂(未完成)

【此文章刊載於 石先生部落;標題: 【台灣.台中】摘粟米採蕃茄,呢啲咁田園嘅活動當然要跟旅行團;本篇文章為贊助內容;強制廣告: HisTrend.HK 給你不一樣的科技產品】

Related

0 則回應

NOKIA 3310 3G版 懷舊手機增添新功能 NOKIA 3310 3G版 懷舊手機增添新功能 2 個月前
【Shopify 教學】將產品頁資料由一行變成兩行,簡單改 style 就可以了 【Shopify 教學】將產品頁資料由一行變成兩行,簡單改 style 就可以了 3 個月前
【澳洲 布里斯班】每年的這天,從中午到晚上都要留在河邊的 Light the Night  【澳洲 布里斯班】每年的這天,從中午到晚上都要留在河邊的 Light the Night  4 個月前
【推薦】旅行必備 Apps,Big Data 告訴你會否延誤 -「飛常準」 【推薦】旅行必備 Apps,Big Data 告訴你會否延誤 -「飛常準」 4 個月前
「環亞機場貴賓室」Plaza Premium Lounge 世界各地位置與服務(香港/台北/英國/澳洲/義大利/中國/加拿大/新加坡/馬來西亞) 「環亞機場貴賓室」Plaza Premium Lounge 世界各地位置與服務(香港/台北/英國/澳洲/義大利/中國/加拿大/新加坡/馬來西亞) 4 個月前
【無題】哲學 【無題】哲學 4 個月前
三個月後!OnePlus 5 詳細使用體驗終於寫出來啦! 三個月後!OnePlus 5 詳細使用體驗終於寫出來啦! 5 個月前

熱門文章

最新消息

本日精選