啲錢唔知去晒邊？嚴選 3 大理財、記帳 Apps
當你搵緊 $10,000 一個月，每個月都冇錢剩；當你人工加到 $15,000 一個月，你諗住月入 $20,000 就開始儲錢；去到成為月入 $30,000 嘅「中產人仕」，你都係可以個個月使晒啲錢。大家都諗住儲錢，早日以錢搵錢，得到經濟自由；但無論收入多少，你啲錢都可以唔知使晒去邊。呢個時候，要儲到錢，你需要嘅可能只係一個理財記帳 Apps。
使用 理財 記帳 Apps 的 3 個理由
1）量入為出：好多理財記帳 Apps 都可以設定唔同嘅 Budget，甚至幫你 Check 住唔同戶口嘅狀況，俾你隨時 Check 住自己盤數，有無使大咗一眼就睇到啦。
2）回顧每月開支：你係唔係唔知每個月啲錢使晒去邊？只係入帳唔夠啫，識用理財記帳 Apps，一定會每月回顧自己嘅使費，然後調整自己嘅浪費習慣，以達到理財嘅目的！
3）簡單易用數據全面：比起傳統數簿，理財 Apps 可以幫你妥善分類，處理數據，又不用花時間在運算上，的確係比較方便。但其實唔同嘅理財記帳 Apps 都有唔同嘅側重點，無論係側重每日開支、分類開支、儲蓄先行或剩餘＝儲蓄嘅都有，你可以根據自己嘅需要，挑選唔同嘅 Apps。
市面上嘅理財記帳 Apps 花多眼亂？接下來 MoneyHero.com.hk 就幫你挑選幾個各有長處嘅 Apps，等大家可以開始記帳吧！
最簡潔：Wally
優點：
1）側重於每日開支，一打開個 Apps 就見到過去一星期，你每天使咗多少錢。免費版嘅 Review 都可以有圖表俾你睇到每周、每月及每年的開支分佈。
2）可以俾你預算儲蓄額，方便睇到自己今個月仲有幾多錢可以使。
3）介面簡潔。
4）可以設定每周、每月嘅開始日。
5）可以將數據輸出成 SCV。
缺點：
1）沒有分類 Budget。
2）圖表選擇不多。
最就手：Spendee
優點：
1）使用 Wallet 概念，你可以在不同 Wallet 處理不同戶口的帳目。
2）版面簡潔易用，分析圖表尤其好用。
3）可以設定每月開始日期。
4）可以輸出資料。
5）可以管理未來支出、循環支出。
缺點：
1）拍照存檔只能即時拍攝，不能使用圖庫。
2）不能設定分類開支 Budget。
最多功能：Good Budget
優點：
1）Envelope 概念，就係將唔同嘅錢放進唔同 Envelope 入面，可以助你設定唔同分類嘅 Budget。
2）圖表可以比較不同月份的開支及收入。
3）可以讓你設定每月開支 Budget 同全月開支 Budget，自動幫你運算每月仲有幾錢可以用。
4）可以同時擁有不同戶口，等你可以睇到唔同銀行戶口內的結餘狀況。
缺點：
1）介面較複雜。
2）不能設定收入分類。
此文章由 MoneyHero.com.hk 授權轉載
http://www.moneyhero.com.hk/blog/zh/
緊貼最新 Android、iPhone 手機潮流？記得 follow 我們的 Facebook 專頁，並將追蹤設為「搶先看」，就可以第一時間接收到我們的更新啦！
