Shares 110
提起 Router 好多朋友都會有疑問，例如屋企個個係咪太舊，駛唔駛換新，而如果換新又應該點揀，始終 Router 呢樣野雖然係實物，但用落又好虛無，都唔知點揀好？
Router 外貎睇落一樣，實際上已經變左幾代，情況就好似我地手機訊號由 2G 升級至 3G，進步到依家嘅 4G 咁，愈來愈快。你屋企個個十年前嘅 Router 分分鐘仲係停留係 2G 年代。
簡單咁講，Router 用嘅 Wi-Fi 制式以 802.11 為代表，早年嘅 Router 會寫 802.11a/b/g，a/b/g 係代表速度，而十年前嘅 Router 一般都係 802.11a/b/g，速度約 54Mbps；但五年前好啲嘅 Router 已經普遍支援提高左一級去到 802.11n，速度進入 150Mbps 時代。近年 Router 更開始進入 802.11ac 嘅階段， 速度上升至 433Mbps，所以你如果問屋企個隻舊到舖塵嘅 Router 駛唔駛換，石先生可以答你一定要換！
從購買嘅角度去考慮，今時今日嘅 Router 係型號外好多時候已經有寫速度，代號寫法係 ACXXXX，以今次開箱嘅 D-Link DIR-879 為例，型號數字完全代表唔到任何野，但佢盒上嘅 AC1900 卻代表最重要的連線速度。
D-Link DIR-879 標示嘅 AC1900 其實代表 Router 係 2.4GHz 及 5GHz 呢個頻率上相加嘅速度。以 DIR-879 為例，其 2.4GHz 速度係 600Mbps，5GHz 速度係 1300Mbps，兩者相加就係 1900Mbps，而呢個數字也即係 AC1900。
以今時今日嘅 Router 來計，2.4GHz + 5GHz 有 1900Mbps 已經算夠用，因為大部份屋企嘅上網速度都未必超快，加上用嘅可能都係一兩部手機平板，係使用需求唔大嘅情況下，一台 AC1900 已經好足夠。
D-Link DIR-879 這類型的 Router 由於支援 802.11ac 制式，加上多天線指向設計，在體積上要比以往我地成日見到嘅細小 Router 要大，但體積與速度某程度上也都成正比，所以大家要換 Router 也都要留意空間嘅問題。
DIR-879 本身支援近年 Router 常見嘅 2.4GHz 及 5GHz 兩個頻率，2.4Ghz 覆蓋範圍大（對牆等穿透力較強）但速度較慢；而 5GHz 覆蓋範圍細但速度較快。D-Link DIR-879 嘅好處係佢本身將一個 Wi-Fi 訊號（SSID）集中處理 2.4GHz 及 5GHz，係使用嘅時候會自動幫你係 2.4GHz 及 5GHz 之間轉換，唔駛好似某啲牌子嘅 Router 咁，需要你自已係 SSID 個度二揀一，使用上會方便好多。
例如你個 Router 放係廳，而你又係廳，佢會幫你自動轉去用 5GHz，享受較快嘅速度，而如果你入左房，收 5GHz 無咁好，佢就會自動幫你轉用 2.4GHz，保證連線穩定性，唔駛驚斷下斷下。
開盒見到 D-Link DIR-879 呢隻 Router，你會發現佢有四支可開合嘅天線，各支天線除左可以加強覆蓋外，更因為支援 BeamForming 技術，令我地係唔同方向用嘅時候都更方便。
舉個例子，一隻 Router 四條天線，四條天線（東南西北）會分享連線速度。如果你個 Router 速度係 100，你企係東面就會用 Router 東面個條天線，速度會分薄至只有 25，但係 BeamForming 嘅技術下，Router 就會知道你用緊東面個支天線，佢就會加強番東面天線嘅速度，令你即使只係用東面呢支天線都可以有 50 或者 75 嘅速度，比以往來講都會強得多。
當然，係真實環境下你唔會只係用得一支天線，你會用到幾支天線發射出來嘅訊號，所以配合 BeamForming 技術下，你實際感受到嘅速度會比以往無採用嘅快，至於幾快就好睇當時你嘅環境及網速等其他因素啦！
值得留意嘅係 CNET 早前有做過評測，係測試中顯示 DIR-879 在 5G 部份表現，不管是長距離穿牆還是短距離，都是同級裡傳輸速度最快的，如果你要一枚很強的 5G Router，這個就好選擇。
當然，CNET 的測試是在專業的實驗室裡進行，我們在家裡用到的效果不會像測試速度那麼高，肯定會有折扣的。例如石先生在工作室用到的就無法做這樣的測試速度，但原因不是 Router 問題，而且本來連上的網路本來就比較弱，所以 DIR-879 放出來的訊號也不會強到那裡去。
睇番 D-Link DIR-879 背後，佢本身有 1 個 WAN 及 4 個 LAN，如同大部份嘅 Router 一樣黃色插口嘅 WAN 插口係用來放電訊公司（ISP）嘅上網線，而另外四個 LAN 插口就可以插其他需要上網嘅工具，例如枱機電腦等等。
當然，今時今日大家用 Notebook 多，用到 LAN 插口的機會很低，所以在實際上使用上更重要是以下這個網路控制功能。D-Link DIR-879 在後台提供一個控制連線用戶選項，可以在這裡選擇為那些用戶連線，那些封鎖，當中還包括計時自動關閉，例如想要控制小孩上網時間等都可以做到。
相對直接關網這個極端的做法，石先生個人更偏好 QoS 控制，它可以讓你選擇用戶連線優先次序，可以把工作的用的排在最高，然後把娛樂或小孩用的排在較後位置，保證工作的上網連線速度，對使用有更實際的影響。
這次開箱的 D-Link DIR-879 不算是最強的 Router，但它支援 802.11ac，擁有 AC1900 能力，加上自由轉換 2.4GHz 與 5GHz 頻率這些實際功能，對於什麼都不想設定，最好不要煩的朋友來說算是一個很好的選擇。
當然，如果你想要多一點的設定也有 QoS 這種控制連線優先權的選擇。至於支援 IPv6、Jumbo Frame 及 Extender 模式這類較複雜的東西就不跟大家分享了，大家還是找熟悉電腦操作的朋友幫忙設定吧！
【此文章刊載於 石先生部落；標題： D-LINK DIR-879 開箱文，是時候把 Router 升級到 5G 了 ；本篇文章為贊助內容；強制廣告： HisTrend.HK 給你不一樣的科技產品】
Shares 110
