網路世界每日在變，好多我地以為行之有效嘅野唔會改變，跟住做就會贏嘅野也都一樣，好似今日 EconReporter 一篇講 Netflix 嘅文又再次印證左呢樣野，你唔向前行，墨守成規只會係被淘汰嘅一個。
篇文嘅重心係講 Adam Sandler 呢位電影笑匠早年電影反應唔錯，評分都一向幾好，但近年電影嘅評分及票房持續下滑，人氣開始插水，但 Netflix 早年就同 Adam Sandler 簽約，拍左幾部戲，人人以為掂，但結果 Netflix 業績特別提提大家，其實已經有 5 億小時嘅 Adam Sandler 被觀眾收看，反證佢地嘅投資決定完全無錯。
一個電影人係電影圈嘅評分下滑，傳統思維會認為佢無價值，就算走到去電視也都一樣。不過，Netflix 呢個 Case 剛好話俾大家知，其實過去嘅經驗同現實往往係兩回事。
雖然電影同電視都係由觀眾選擇去睇嘅野，但電影發行始終受傳統守門人，即發行商、戲院等影響，反而 Netflix 咁嘅平台能夠控制觀眾選擇嘅情況相對少啲，所以又會有啲唔同，但無論你點比較，也都唔可以話 Adam Sandler 已經玩完，依家係靠 Netflix 養住佢，因為養住 Adam Sandler 嘅其實係 Netflix 嘅觀眾。
傳統上，好多行業都會睇數據，認為係 A 情況得到嘅數據可以預示到 B 情況，但現實話你知世事變化已經唔係可以隨便借鏡。傳統電影唔得嘅人，去新式網際網路電影未必唔得，兩班觀眾好似一樣，但實際上好唔同。
當你以為電影評分代表一切，包括票房嘅時候，其實佢只係代表緊一啲會去評分嘅人，而個班唔會去評分嘅人代表唔到，而且當中更牽渉唔少情感及社會因素在內，評分其實唔能夠準確反映一切。
世界已經唔同左，唔再係得兩三隻款，而係有廿幾卅隻款，你轉身慢啲已經會被超越，更何況係拿住歷史去做決定嘅人。預言書本身唔會識得呃人，呃到人嘅係解說預言書個個，同拿住歷史書馬後炮個個。
【此文章刊載於 石先生部落；標題： 如果你以為看歷史數據可以預示未來的話，那你得看看 Adam Sandler；本篇文章為贊助內容；強制廣告： HisTrend.HK 給你不一樣的科技產品】
